རྡོ་རྗེ་ཤུགས་ལྡན་དང་ཏྭ་ལའི་བླ་མ་མཐུན་མོངས་ནས་ནང་ཆོས་དར་སྤེལ་ཞུས་བ། » admin1 http://www.dorjeshugden.com/bod/ The Protector whose time has come Fri, 02 Aug 2024 08:38:57 +0000 en-US hourly 1 http://wordpress.org/?v=3.4.1 རྒྱ་ནག་ཧྥུ་ཅན་ཞིང་ཆེན་ཕུའུ་ཐེན་གྲོང་ཁྱེར་དུ་འཛམ་གླིང་ཞི་བདེའི་ཆེད་ཚོགས་ཆེན། http://www.dorjeshugden.com/bod/all-articles-bod/buddhist-conference-fujian-2016%e0%bc%8b/ http://www.dorjeshugden.com/bod/all-articles-bod/buddhist-conference-fujian-2016%e0%bc%8b/#comments Fri, 23 Sep 2016 16:29:20 +0000 admin1 http://www.dorjeshugden.com/?p=52993

ཕྱི་ལོ་༢༠༡༦ཟླ་༩ཚེས་༡ནས་༤བར་ཉིན་བཞི་རིང་རྒྱ་ནག་ཧྥུ་ཅན་ཞིང་ཆེན་ཕུའུ་ཐེན་གྲོང་ཁྱེར་དུ། སྤྱི་འཛམ་གླིང་ཞི་བདེ་དང་ཆོས་ལུགས་མཐུན་སྒྲིལ་སོགས་ཀྱི་ཆེད་དུ་ནང་པའི་རྒྱལ་ཁབ་བཅོ་ལྔ་ཙམ་ནས་ཕེབས་པའི་ཆོས་ལུགས་ཀྱི་དབུ་ཁྲིད་རྣམ་པས་གཙོས་པའི་ཚོགས་མི་སུམ་ཁྲི་ལྷག་མཉམ་འཛོམས་ཀྱི་ཚོགས་ཆེན་ཞིག་ཚོགས་གནང་འདུག །ཚོགས་ཆེན་དེར་བོད་བརྒྱུད་ནང་བསྟན་གྱི་སྐུ་ཚབ་ལ་འདབས་ཡང་སྟེང་བདེ་ཆེན་སྤྲུལ་སྐུ་མཆོག་དང་། ལི་ཐང་སྣ་པོ་དགེ་བཤེས་བསྟན་འཛིན་རྒྱ་མཚོ་རྣམ་པ་གཉིས་གདན་འདྲེན་ཞུས་འདུག །ཚོགས་ཆེན་སྟེང་དབུ་ཁྲིད་རྣམ་པས་འཛམ་གླིང་ཞི་བདེ་ཡོང་ཐབས་དང་ཆོས་ལུགས་མཐུན་སྒྲིལ་གནང་ཕྱོགས་སོགས་ཀྱི་སྐོར་བཀའ་མོལ་གནང་བའི་བརྒྱུད་རིམ་ཁྲོད་ནས་བདེ་ཆེན་སྤྲུལ་སྐུ་མཆོག་ནས་བོད་བརྒྱུད་ནང་བསྟན་གྱི་མགྲིམ་ཚབ་པ་གནང་སྟེ། སྤྱི་འཛམ་གླིང་ཞི་བདེ་དང་ཆོས་ལུགས་མཐུན་སྒྲིལ་གནང་ཐབས། བོད་གངས་ཅན་ལྗོངས་ལ་ནང་པ་སངས་རྒྱས་པའི་བསྟན་པ་དར་གུད་སོགས་ཀྱི་བཀའ་སློབ་ཟབ་རྒྱས་གནང་འདུག །

 

]]> http://www.dorjeshugden.com/bod/all-articles-bod/buddhist-conference-fujian-2016%e0%bc%8b/feed/ 0 ༧སྐྱབས་རྗེ་ཁྲི་བྱང་མཆོག་སྤྲུལ་རིན་པོ་ཆེ་མཆོག་ཡུ་རོབ་ཁུལ་ལ་ཆིབས་སྒྱུར་བསྐྱངས། http://www.dorjeshugden.com/bod/all-articles-bod/trijang-rinpoche-europe-2016/ http://www.dorjeshugden.com/bod/all-articles-bod/trijang-rinpoche-europe-2016/#comments Thu, 22 Sep 2016 19:54:16 +0000 admin1 http://www.dorjeshugden.com/?p=52968
ཕྱི་ལོ་༢༠༡༦ ཟླ་༩ ཚེས་༡ ཉིན་རིགས་བརྒྱའི་ཁྱབ་བདག་འཁོར་ལོ་མགོན་པོ་༧སྐྱབས་རྗེ་ཁྲི་བྱང་མཆོག་སྤྲུལ་རིན་པོ་ཆེ་རྗེ་བཙུན་བློ་བཟང་ཡེ་ཤེས་བསྟན་འཛིན་རྒྱ་མཚོ་མཆོག་སུད་སི་རབ་བརྟན་ཆོས་གླིང་ཆོས་ཚོགས་སུ་ཞབས་སོར་བདེ་བར་འཁོད་འདུག
༧སྐྱབས་རྗེ་ཁྲི་བྱང་མཆོག་སྤྲུལ་རིན་པོ་ཆེ་མཆོག་ནས་རབ་བརྟན་ཆོས་གླིང་དུ་༧སྐྱབས་རྗེ་རྣམ་པར་དད་པ་དང་དམ་ཚིག་ལ་འགྱུར་བ་མེད་པའི་སུད་སི་གནས་བཞུགས་སྐུ་ཞབས་དགོན་པ་གསར་རིན་པོ་ཆེ་དང་། དགེ་བཤེས་རབ་བརྟན་གྱི་ཡང་སྲིད་རིན་པོ་ཆེ། དགེ་བའི་བཤེས་གཉེན་ཆེན་པོ་རྒན་ལམ་རིམ་པ་རྗེ་བཙུན་ཐུབ་བསྟན་འཕྲིན་ལས་དཔལ་བཟང་པོ་མཆོག །ཨི་ཊཱ་ལིག་གནས་བཞུགས་གྲུབ་དབང་གངས་ཅན་རིན་པོ་ཆེ་མཆོག་དང་། སེར་སྤོམ་གྲུབ་ཆེན་རིན་པོ་ཆེ། ཇར་མ་ནི་གནས་བཞུགས་སྤང་ལུང་རིན་པོ་ཆེ། རྒྱ་གར་གནས་བཞུགས་ཤར་དགའ་ལྡན་གྱི་མཁན་ཟུར་རིན་པོ་ཆེ་བློ་བཟང་ཕན་བདེ་མཆོག་དང་། དྲོ་མོ་དགེ་བཤེས་ཀྱི་ཡང་སྲིད་རིན་པོ་ཆེ། རྒྱ་ནག་གནས་བཞུགས་དགེ་བའི་བཤེས་གཉེན་ཆེན་པོ་དགེ་བཤེས་བསྟན་འཛིན་དཔལ་མཆོག་སོགས་ཀྱི་གཙོས་པའི་འཛམ་གླིང་ཡུལ་གྲུ་གང་ས་ནས་ཕེབས་པའི་དད་ལྡན་ཆོས་ཞུ་བ་སེར་སྐྱ་བརྒྱ་ཕྲག་འགའ་ལ་ཚེས་༢ ཉིན་སྟ་གོན་དང་ཚེས་༣ དང་༤ ལ་དཔལ་འཁོར་ལོ་བདེ་མཆོག་དྲིལ་བུ་ལྷ་ལྔ་དང་དྲིལ་བུ་ལུས་དཀྱིལ་གྱི་དབང་ཆེན་བསྩལ་གནང་འདུག །ཕྱི་ཚེས་༥ ཉིན་རབ་བརྟན་ཆོས་ཚོགས་ཁག་དང་ཡུ་རོབ་ཤུགས་ལྡན་ཚོགས་པ་ཡུ་རོབ་ཆ་ཕྲེང་སྤུན་ཟླ་ཚོགས་པ་བཅས་ནས་བླ་མཆོད་ཚོགས་འཁོར་དང་འབྲེལ་བའི་མཁའ་འགྲོའི་བརྟན་བཞུགས་ཟབ་རྒྱས་ཕུལ། རེ་གཟའ་སྤེན་པ་ནས་ཨོ་སུ་ཁྲི་རི་ཡ་བཀྲ་ཤིས་རབ་བརྟན་དུ་རྗེ་བཙུན་རྡོ་རྗེ་རྣལ་འབྱོར་མའི་དབང་དང་སྒྲོལ་དཀར་ཡེ་ཤེས་འཁོར་ལོའི་ཚེ་དབང་བཅས་བསྩལ་གནང་འདུག །ཕྱི་ཚེས་༡༦ ཉིན་ཨི་ཊཱ་ལིག་གྲུབ་དབང་གངས་ཅན་རིན་པོ་ཆེའི་ཚོགས་ལ་ཆིབས་སྒྱུར་གནང་། ད་ལྟར་ཨི་ཊཱ་ལིག་ཏུ་གྲུབ་དབང་གངས་ཅན་རིན་ཆེ་མཆོག་གི་ཆོས་ཚོགས་ཁག་ལ་ཆོས་ཀྱི་མཛད་འཕྲིན་བསྐྱངས་བཞིན་འདུག །



[There is a video that cannot be displayed in this feed. Visit the blog entry to see the video.]

]]> http://www.dorjeshugden.com/bod/all-articles-bod/trijang-rinpoche-europe-2016/feed/ 0 འཛམ་གླིང་བོད་རིགས་མཉམ་སྦྲེལ་ཤུགས་ལྡན་མཐུན་ཚོགས་ནས་ཕྱི་ལོ་༢༠༡༦ ཟླ་༦ཚེས་༡༣ནས་༡༥བར་ཨ་རིར་ཏྭ་ལའི་བླ་མ་མཆོག་ལ་བདེན་པ་ར་སྤྲོད་གནང་སྐབས།། http://www.dorjeshugden.com/bod/all-articles-bod/international-tibetan-shugden-community-2016-demonstration/ http://www.dorjeshugden.com/bod/all-articles-bod/international-tibetan-shugden-community-2016-demonstration/#comments Fri, 15 Jul 2016 14:31:45 +0000 admin1 http://www.dorjeshugden.com/?p=52685

འཛམ་གླིང་བོད་རིགས་མཉམ་སྦྲེལ་ཤུགས་ལྡན་མཐུན་ཚོགས་ནས་ཕྱི་ལོ་༢༠༡༦ ཟླ་༦ཚེས་༡༣ནས་༡༥བར་ཉིན་གསུམ་རིང་ཨ་རི་ནིའུ་ཡོག་ཕོ་བྲང་དཀར་པོ་གཙོས་པའི་ས་གནས་ཁག་བཞི་ལ་ཏྭ་ལའི་བླ་མས་མི་རིགས་དབྱེ་འབྱེད་དང་ཆོས་ལུགས་ལ་གནོད་འཚེ་མཚམས་འཇོག་དགོས་ཞེས་འཕྲེད་དར་ཕྱར་ནས། ཏྭ་ལའི་བླ་མས་མི་རིགས་དང་ཆོས་ལུགས་དབྱེ་འབྱེད་བྱས་ཀྱིས་ཡོད་པའི་དཔང་རྟགས་ཡིག་ཆ་དང་པར་རིས་སོགས། ལྷག་པ་དུ་ཏྭ་ལའི་བླ་མ་ལ་ཕུལ་བའི་རེ་འདུན་དོན་ཚན་བདུན་མ་དང་དེའི་ལྷན་ཐབས་དགུ་ཞེས་པའི་ཡིག་ཆ་ཕོན་ཆེན་བཀྲམ་ནས་ཏྭ་ལའི་བླ་མས་དེ་རྣམས་ཁས་ལེན་མ་བྱེད་བར་དུ་འཛམ་གླིང་བོད་རིགས་མཉམ་སྦྲེལ་ཤུགས་ལྡན་མཐུན་ཚོགས་ངོས་ནས་བདེན་པ་ར་སྤྲོད་གནང་རྒྱུ་ནམ་ཡང་མཚམས་བཞག་གི་མིན་ཞེས་ཏྭ་ལའི་བླ་མ་མཆོག་ལ་བདེན་པ་ར་སྤྲོད་གནང་འདུག །སྐབས་དེར་འཛམ་གླིང་གི་གནད་ཡོད་མི་སྣ་དང་གསར་འགོད་པ་ཤེས་ཡོན་ཅན་གྱི་མི་སྣ་སོགས་མང་པོས་དོ་སྣང་ཧ་ཅང་ཆེན་པོ་གནང་འདུག ། 

 

[There is a video that cannot be displayed in this feed. Visit the blog entry to see the video.]

 

[There is a video that cannot be displayed in this feed. Visit the blog entry to see the video.]

 

 

 

 

 

 

 

 

 

 

 

]]> http://www.dorjeshugden.com/bod/all-articles-bod/international-tibetan-shugden-community-2016-demonstration/feed/ 0 གཉའ་ནང་འཕེལ་རྒྱས་གླིང་གི་མཁན་རིན་པོ་ཆེ་དགེ་བཤེས་བྱམས་པ་བློ་བཟང་མཆོག་གི་རྣམ་ཐར་སྙིང་བསྡུས། ། http://www.dorjeshugden.com/bod/all-articles-bod/%e0%bd%82%e0%bd%89%e0%bd%a0%e0%bc%8b%e0%bd%93%e0%bd%84%e0%bc%8b%e0%bd%a0%e0%bd%95%e0%bd%ba%e0%bd%a3%e0%bc%8b%e0%bd%a2%e0%be%92%e0%be%b1%e0%bd%a6%e0%bc%8b%e0%bd%82%e0%be%b3%e0%bd%b2%e0%bd%84%e0%bc%8b-2/ http://www.dorjeshugden.com/bod/all-articles-bod/%e0%bd%82%e0%bd%89%e0%bd%a0%e0%bc%8b%e0%bd%93%e0%bd%84%e0%bc%8b%e0%bd%a0%e0%bd%95%e0%bd%ba%e0%bd%a3%e0%bc%8b%e0%bd%a2%e0%be%92%e0%be%b1%e0%bd%a6%e0%bc%8b%e0%bd%82%e0%be%b3%e0%bd%b2%e0%bd%84%e0%bc%8b-2/#comments Mon, 06 Jun 2016 10:44:43 +0000 admin1 http://www.dorjeshugden.com/?p=52284

བལ་ཡུལ་གཉའ་ནང་བཤད་སྒྲུབ་དགའ་ལྡན་འཕེལ་རྒྱས་གླིང་གྲྭ་ཚང་། །

མཁན་རིན་པོ་ཆེ་དགེ་བཤེས་བྱམས་པ་བློ་བཟང་མཆོག་ནི།

  • ཕྱི་ལོ་༡༩༤༦ལོར་བོད་གཉའ་ནང་རྭ་ལོ་ཙྭ་བ་འཁྲུངས་སའི་ཉེར་འགྲམ་དུ་སྐུ་འཁྲུངས།
  • དགུང་ལོ་༧་ལ་བོད་གཉའ་ནང་འཕེལ་རྒྱས་གླིང་དུ་ཆོས་བཞུགས་གནང་།
  • དགུང་ལོ་༡༣ ནས་༡༧ བར་ལ་བལ་ཡུལ་དུ་དཔལ་འབར་དགེ་བཤེས་རིན་པོ་ཆེའི་དྲུང་ནས་ལམ་རིམ། རིག་གནས། སྨན་རྩིས་སོགས་ལ་སྦྱངས།
  • དགུང་ལོ་༡༧ ནས་༥༠ བར་བལ་ཡུལ་འཕེལ་གླིང་གྲྭ་ཚང་དུ་ཐིག་རྡུལ་མཚོན་དང་། དཀྱིལ་འཁོར། ལྷ་རིས། དབྱངས་འཐེན་གར་གསུམ་ལ་སྦྱང་པ་ཐར་ཕྱིན་གནང་། །དེ་ནས་སེ་ར་ཐེག་ཆེན་གླིང་དུ་ཡོངས་ཀྱི་དགེ་བའི་བཤེས་གཉེན་ཆེན་པོ་སེར་སྨད་མཁན་ཟུར་རིན་པོ་ཆེ་༧རྗེ་བཙུན་ངག་དབང་ཐེག་མཆོག་དཔལ་བཟང་པོ་མཆོག་དང་། །སེར་བྱས་མཁན་ཟུར་རིན་པོ་ཆེ་བྱམས་པ་ཐེག་མཆོག །སེར་བྱས་རྒན་རབ་བརྟན། །སེར་སྤོམ་༧རྗེ་བཙུན་ཡེ་ཤེས་དབང་ཕྱུག །བློ་གླིང་༧སྐྱབས་རྗེ་དར་མདོ་རིན་པོ་ཆེ་སོགས་དགེ་རྒན་དུ་བསྟེན་ནས་གཞུང་ཆེན་བཀའ་པོད་ལྔ་ལ་སྦྱངས་པ་ཐར་ཕྱིན་ནས་དགེ་བཤེས་ལྷ་རམས་ལག་འཁྱེར་སོན།
  • དེ་ནས་དཔལ་ལྡན་སྟོད་རྒྱུད་གྲྭ་ཚང་དུ་ཤར་བ་ཆོས་རྗེ་བློ་བཟང་ཉི་མའི་དྲུང་ནས་བསྔགས་ཀྱི་སྐྱེས་རྫོགས་ཡོངས་རྫོགས་ལ་གསན་བསམ་ཐར་ཕྱིན་གནང་།
  • ཕྱི་ལོ་༡༩༩༦ ནས་༢༠༡༦ ཡས་མས་བར་ལ་ཐ་ཝེན་དང་། སིང་ཀ་པུར། ཨིན་ཊོ་ནེ་ཤི་ཡ། མྭ་ལེ་ཤི་ཡ། ཨ་རིག་སོགས་ལ་མདོ་སྔགས་འཆད་སྤེལ་རྒྱ་ཆེར་གནང་།
  • ལྷག་པ་དུ་༧ སྐྱབས་རྗེ་ཡོངས་འཛིན་རྣམ་གཉིས་དང་། །༧སྐྱབས་རྗེ་ཟོང་རྡོ་རྗེ་འཆང་། །༧སྐྱབས་རྗེ་རྫེ་སྨད་རིན་པོ་ཆེ།  །ར་སྟོད་རིན་པོ་ཆེ།  །གསེར་སྐོང་མཚན་ཞབས་རིན་པོ་ཆེ་སོགས་ལས་མདོ་སྔགས་ཀྱི་བཀའ་ཆོས་མཐའ་ཡས་པ་གསན།
  • ད་ལྟ་དགུང་ལོ་༧༠ ལ་ཕེབས།

ཕྱི་ལོ་༢༠༡༦་ཟླ་བ་༥ ཚེས་༣༠ དང་བོད་རྒྱལ་ལོ་༢༡༤༣ ཟླ་བ་༤ ཚེས་༢༤ ཉིན་བལ་ཡུལ་གཉའ་ནང་འཕེལ་རྒྱས་གླིང་མཁན་པོའི་ཐུགས་འགན་བཞེས།། ། །

 

 

མཁན་རིན་པོ་ཆེ་དགེ་བཤེས་བྱམས་པ་བློ་བཟང་མཆོག །

ཆེ་དགེ་བཤེས་བྱམས་པ་བློ་བཟང་མཆོག་ནས་སྐུ་གསུང་ཐུགས་རྟེན་ལ་རབ་གནས་གནང་བཞིན་པ། །

 

 

]]> http://www.dorjeshugden.com/bod/all-articles-bod/%e0%bd%82%e0%bd%89%e0%bd%a0%e0%bc%8b%e0%bd%93%e0%bd%84%e0%bc%8b%e0%bd%a0%e0%bd%95%e0%bd%ba%e0%bd%a3%e0%bc%8b%e0%bd%a2%e0%be%92%e0%be%b1%e0%bd%a6%e0%bc%8b%e0%bd%82%e0%be%b3%e0%bd%b2%e0%bd%84%e0%bc%8b-2/feed/ 0 བོད་བརྒྱུད་ནང་བསྟན་གྱི་འཛམ་གླིང་རྒྱལ་ཡོངས་ཤུགས་ལྡན་ཚོགས་ཆེན་ཐེངས་དང་པོར་ཐེ་ལན་ཌ་ནང་ཚོགས་ནས་ཆོས་དད་རང་མོས་སྐོར་ལ་བགྲོ་གླེང་གནང་འདུག ། http://www.dorjeshugden.com/bod/all-articles-bod/%e0%bd%96%e0%bd%bc%e0%bd%91%e0%bc%8b%e0%bd%96%e0%bd%a2%e0%be%92%e0%be%b1%e0%bd%b4%e0%bd%91%e0%bc%8b%e0%bd%93%e0%bd%84%e0%bc%8b%e0%bd%96%e0%bd%a6%e0%be%9f%e0%bd%93%e0%bc%8b%e0%bd%82%e0%be%b1%e0%bd%b2/ http://www.dorjeshugden.com/bod/all-articles-bod/%e0%bd%96%e0%bd%bc%e0%bd%91%e0%bc%8b%e0%bd%96%e0%bd%a2%e0%be%92%e0%be%b1%e0%bd%b4%e0%bd%91%e0%bc%8b%e0%bd%93%e0%bd%84%e0%bc%8b%e0%bd%96%e0%bd%a6%e0%be%9f%e0%bd%93%e0%bc%8b%e0%bd%82%e0%be%b1%e0%bd%b2/#comments Fri, 03 Jun 2016 17:48:53 +0000 admin1 http://www.dorjeshugden.com/?p=52342

བྱང་ཨ་རིའི་དགེ་ལྡན་སྙན་བརྒྱུད་འཛིན་སྐྱོང་ཚོགས་པས་གོ་སྒྲིག་འོག་འཛམ་གླིང་རྒྱལ་ཡོངས་ཤུགས་ལྡན་ཚོགས་ཆེན་ཐེངས་དང་པོ་༢༠༡༦ལོའི་ཟླ་༤པའི་ཚེས་༢ ནས་ཚེས་༣་བར་ནང་པའི་རྒྱལ་ཁབ་ཐེ་ལན་ཌ་ནང་ཚོགས་པ་རེད། །ཨ་རི། །ཁ་ན་ཌ། །ཧྥ་རན་སི།སུད་སི་དང་།རྒྱ་ནག་སྐམ་ས་ཆེན་པོའི་མཚོ་སྔོན། །སི་ཁྲོན། །ཡོན་ནན་བཅས་ནས་ཕེབས་པའི་འཐུས་མི་༢༠ ་ལྷག་ཙམ་མཉམ་ཞུགས་གནང་འདུག །

བསྟན་སྲུང་རྡོ་རྗེ་ཤུགས་ལྡན་ནི་རི་བོ་དགེ་ལྡན་པས་མི་ལོ་བརྒྱ་ཕྲག་དུ་མའི་རིང་བསྟེན་གསོལ་མཛད་པའི་ཆོས་སྐྱོང་སྲུང་མ་ཞིག་རེད། །བོད་པའི་སྤྱི་ཚོགས་ནང་ཆོས་སྐྱོང་བསྟེན་མཁན་མང་པོ་ཡོད་པ་རེད། །བཤད་སྲོལ་ལ་ཤུགས་ལྡན་བསྟེན་ན་གདན་ས་དང་ཆོས་བརྒྱུད་ལ་བར་ཆད་མི་ཡོང་ཟེར། ༡༩༩༦ལོར་རྡ་སར་བཞུགས་པའི་བོད་བསྟན་སྲིད་གཉིས་ཀྱི་དབུ་ཁྲིད་རྒྱལ་བ་རིན་པོ་ཆེས་གློ་བུར་དུ་དོལ་རྒྱལ་བསྟེན་ན་ཁོང་གི་སྐུ་ཕྱྭ་དང་བོད་སྤྱི་པའི་རྩ་དོན་ལ་གནོད་པ་རེད་ཟེར་ནས། །རྡོ་རྗེ་ཤུགས་ལྡན་བསྟེན་གསོལ་བཀག་པ་རེད། །དེས་བོད་པའི་སྤྱི་ཚོགས་ནང་གླེང་ཤུགས་ཆེན་པོ་བྱུང་འདུག བོད་སེར་སྐྱ་མང་ཚོགས་ཀྱིས་བདེན་པ་ར་སྤྲོད་ཀྱི་ལས་འགུལ་མང་པོ་སྤེལ་ཡོད་པ་རེད། །

ཐེངས་འདིའི་འཛམ་གླིང་རྒྱལ་ཡོངས་ཤུགས་ལྡན་ཚོགས་ཆེན་སྐོང་དགོས་པའི་རྒྱུ་མཚན་ནི། །ཤུགས་ལྡན་གྱི་ཚོགས་པ་ཐོག་མ་སྟེ་དབུས་ལྷ་མི་སྲུང་སྐྱོང་ཚོགས་པ་དབུ་བརྙེས་ནས་ལོ༢༠་འཁོར་བར་རྗེས་དྲན་དང་། །མི་ལོ་༢༠་རིང་གི་བདེན་པ་ར་སྤྲོད་ལས་འགུལ་གྱི་ཉམས་མྱོང་ཕྱོགས་སྡོམ། །ནང་ཁུལ་མཐུན་ལམ་རྡོག་རྩ་གཅིག་སྒྲིལ་ཡོང་ནས་མུ་མཐུད་ཏཱ་ལའི་བླ་མ་ལ་ཁ་གཏད་གདོང་ལེན་བཅས་ཀྱི་ཆེད་དུ་ཡིན་གསུང་འདུག །

ཚོགས་ཆེན་ཐོག་འཐུས་མི་རྣམ་པས་ཆོས་དད་རང་མོས་ཀྱི་་ཡོངས་ཁྱབ་རིན་ཐང་གཞི་བཟུང་ནས། །ཆོས་སྐྱོང་རྡོ་རྗེ་ཤུགས་ལྡན་གྱི་ལོ་རྒྱུས། །ཏཱ་ལའི་བླ་མས་བསྟེན་གསོལ་བཀག་དགོས་པའི་རྒྱུ་མཚན། །གནས་སྐབས་འཕྲད་པའི་དཀའ་ངལ་དང་ནང་ཁུལ་གྱི་གནད་དོན་བཅས་ལ་བགྲོ་གླེང་ལྷུག་པོ་གནང་འདུག་ལ། །ཇི་ལྟ་ཁ་གཏད་བྱེད་པ་དང་ནང་ཁུལ་མཐུན་ལམ་རྡོག་རྩ་གཅིག་སྒྲིལ་ཐད་གྲོས་མཐུན་བྱུང་ནས་གྲོས་ཆོད་ཀྱང་འཇོག་འདུག །

འཐུས་མི་ཡོངས་ཀྱི་མཐའ་གཅིག་ཏུ་ངོས་འཛིན་གནང་དོན་ལ། །ཕྱི་ལོ་༡༩༩༦ལོ་ནས་༢༠༡༦་ལོའི་བར་མི་ལོ་༢༠་ནང་། ། །ཏཱ་ལའི་བླ་མས་རང་ཉིད་ཀྱི་ཆབ་སྲིད་ཁེ་ཕན་གྱི་ཆེད་ཆོས་སྐྱོང་རྡོ་རྗེ་ཤུགས་ལྡན་ལ་གཞི་མེད་ཀྱི་མ་ཉེས་ཁག་གཡོགས་དང་བཀག་རྒྱ་བྱས་ཡོད་ཀྱང་། །ཆོས་བརྒྱུད་འདི་ཉིད་རྩ་མེད་བཏང་ཐུབ་མེད་པ་མ་ཟད། །ད་དུང་མཐུན་ལམ་ཇེ་དམ་དང་གྲ་ཇེ་རྒྱས་འགྲོ་བཞིན་ཡོད། །ཚོགས་ཞུགས་འཐུས་མི་དགེ་སྣ་པོ་རྒྱ་མཚོ་མཆོག་ནས་གསུངས་དོན། །བོད་ཀྱི་རྒྱལ་རབས་ལོ་རྒྱུས་ཐོག་རང་གི་ཆབ་སྲིད་ཁེ་ཕན་གྱི་ཆེད་དུ་ནང་འཁྲུག་དང་དཀའ་ངལ་ཆེ་ཤོས་དེ་རྒྱལ་པོ་གླང་དར་མ་དང་ད་ལྟ་ཡི་ཏཱ་ལའི་བླ་མ་སྐུ་ཕྲེང་བཅུ་བཞི་པའི་གནས་སྐབས་སུ་ཆགས་ཡོད། ། །ཏཱ་ལའི་བླ་མས་ཆོས་སྐྱོང་རྡོ་རྗེ་ཤུགས་ལྡན་བསྟེན་ན་བོད་བསྟན་སྲིད་གཉིས་ལ་གྱོང་གུད་ཆེ་ཚུལ་གསུངས་འདུག །ངས་ལྟས་ན་ཆོས་སྐྱོང་བསྟེན་ནས་གྱོང་གང་ཡང་རག་ཡོད་པ་མ་རེད། །ཏཱ་ལའི་བཅུ་བཞི་པ་བྱུང་ནས་བཟུང་བོད་པ་བཀྲ་མི་ཤིས་པའི་འགོ་འཛུགས་པ་རེད། །བོད་གཞིས་བྱོས་གཉིས་ཆགས་དགོས་པ་ཏཱ་ལའི་བླ་མས་བཟོས་ཡོད། །བོད་ནང་ལ་དམ་ཚིག་གཙང་མིན་གྱི་རྩོད་པ་བཟོ་མཁན་ཏཱ་ལའི་བླ་མ་རེད། །ཆུ་བཞི་སྒང་དྲུག་གཉིས་བཟོ་མཁན་ཏཱ་ལའི་རེད། ། །གཞོན་ནུ་ལྷན་ཚོགས་གཉིས་བཟོ་མཁན་ཏཱ་ལའི་རེད། །དགའ་ལྡན་སོགས་གདན་ས་ཁག་གཉིས་སུ་བཟོ་མཁན་ཏཱ་ལའི་རེད། །དགེ་ལུགས་ནང་ཁུལ་གཉིས་སུ་བཟོ་མཁན་ཏཱ་ལའི་རེད། །ས་ཆ་གཅིག་ལ་འཇམ་དབྱངས་དགུན་ཆོས་ཆེན་པོ་གཉིས་ཚོགས་དགོས་པ་བཟོ་མཁན་ཏཱ་ལའི་རེད། །གྲྭ་པ་རྣམས་ལ་གནའ་སྐྱེལ་དམ་འབུལ་བྱེད་བཅུག་མཁན་ཏཱ་ལའི་རེད། །ཆོས་དང་ཟང་ཟིང་གི་འབྲེལ་བ་བཅོད་བཅུག་མཁན་ཏཱ་ལའི་རེད། །ཆབ་སྲིད་ཐོག་དབུ་མ་དང་རང་བཙན་གྱི་ལམ་ཕྱོགས་གཉིས་བཟོ་མཁན་ཏཱ་ལའི་རེད། །ཀརྨ་པ་གཉིས་དང་པན་ཆེན་ཡང་སྲིད་གཉིས་བཟོ་མཁན་ཏཱ་ལའི་རེད། །དེ་དག་ཐམས་ཅད་རྒྱལ་ཕུང་འབངས་གནོད་ཀྱི་ཏཱ་ལའི་བླ་མས་བཟོས་པ་ཁོ་ན་རེད།

མི་ལོ་ཉི་ཤུའི་རིང་ལ། །ཏཱ་ལའི་བླ་མས་ཤུགས་ལྡན་བསྟེན་གསོལ་བཀག་ནས་བོད་པའི་སྤྱི་ཚོགས་ནང་ལ་བརྡབ་གསིག་རྒྱ་ཆེ་པོ་ཕོག་ནས་རྒྱལ་ཆེན་ཤུགས་ལྡན་བསྟེན་མཁན་བོད་མི་སེར་སྐྱ་རྣམས་ལ་མཐོང་ཆུང་དང་སྨ་འབེབས། །ཐ་ན་མི་ཤི་རྒྱུ་བརླག་གི་སྡུག་བསྔལ་ཆེན་པོ་བཟོས་ཡོད། །དེའི་སྐོར་ལ་བདེ་ཆེན་སྤྲུལ་སྐུས་གསུང་དོན། །སྤྱི་ལོ་༢༠༠༨་ལོར་ཏཱ་ལའི་བླ་མས་འབྲས་སྤུངས་་བློ་གསལ་གླིང་གི་འདུ་ཁང་དབུ་འབྱེད་མཛད་སྒོ་ཐོག །དོལ་རྒྱལ་བསྟེན་མཁན་རྣམས་དང་ཆོས་དང་ཟང་ཟིང་གི་འབྲེལ་བ་གཅོད་དགོས་པའི་བཀའ་མོལ་ཡང་ཡང་བྱས། །ཡིད་དམ་དཔང་དུ་བཙུགས་ནས་གནའ་སྐྱེལ་དམ་འབུལ་དང་ས་ཡིག་བརྒྱག་བཅུག་པ་རེད། །དེ་ལ་བརྟེན་ནས་གདན་ས་ཁ་བྲལ་བཏང་ནས་དགེ་འདུན་དབྱིན་འབྱེད་དང་། །བཟའ་ཚང་དང་གྲོགས་པོ་གྲོགས་མོ་ཁ་བྲལ་གཏོང་བའི་མི་རིགས་དབྱེ་འབྱེད། །ཐ་ན་ཁོ་ཚོ་ཡི་སྨན་ཁང་དང་ཚོང་ཁང་ནང་ཡོང་མི་ཆོག་པའི་འགྲོ་བ་མིའི་ཐོ་ཐང་འཕྲོག་པའི་བྱ་སྤྱོད་དེ་ཚོ་ནི། །ཆོས་ཕྱོགས་ནས་བཤད་ན་ཆོས་འདུལ་བའི་བཅའ་ཁྲིམས་དང་འགལ་བ། །འཇིག་རྟེན་པའི་འགྲོ་ལུགས་ཀྱི་ཆ་ནས་བཤད་ན་འཛམ་གླིང་རྒྱལ་སྤྱིའི་རྩ་ཁྲིམས་དང་འགལ་བ་ཞིག་རེད། །དེ་བས་བློ་ཕངས་དགོས་པ་ནི་ཏཱ་ལའི་བླ་མའི་ངན་སྐུལ་གྱིས་བོད་ནང་ཆབ་སྲིད་ཀྱི་གོ་རྟོགས་གང་ཡང་མེད་པའི་གང་ཟག་ཁག་གཅིག་གིས་རང་ལུས་མེ་བསྲེགས་གཏོང་ནས་གཅེས་འོས་ཀྱི་ཚེ་སྲོག་ཤོར།དེ་དག་ནི་ཁྲིམས་འགལ་གྱི་ཉེས་པ་བསགས་པའི་བྱ་སྤྱོད་ཉག་གཅིག་རེད། །དགེ་བཤེས་ཐུབ་བསྟན་ཕུར་བུས། ཕྱི་ལོ་༢༠༠༨་ལོ་ལ་ཆོས་དང་ཟང་ཟིང་གི་འབྲེལ་བ་བཅོད་ནས། །ལྷ་བསྟེན་མཁན་གྱི་ཚོང་ཁང་ནང་ཅ་དངོས་ཉོ་མཁན་མེད་པ། །ལས་ཀ་དགོས་མཁན་ལ་ལས་ཀ་མི་རག་པ། །ནད་ཕོག་དུས་སྨན་ཁང་དུ་འགྲོ་ས་མེད་པ། །ཐ་ན་མི་ཤི་དུས་བླ་མ་གདན་རྒྱུ་མི་རག་པ་བྱུང་ཡོད་ཅེས་གསུངས། ཕ་ཡུལ་འདབ་པ་ནི་ཡིན་ལ་སྔ་འཕགས་ཡུལ་སེ་རའི་གྲྭ་བ་ཡིན་པའི་རྒྱགས་པས་གསུང་དོན།ལྷ་བསྟེན་མཁན་ཡིན་པའི་དབང་གིས་༡༩༩༩ལོར་གུས་པ་དང་གྲོགས་པོ་བདུན་ལ་སྦེ་ལོ་ཀོ་པའི་དོན་གཅོད་རྡུང་པའི་མ་ཉེས་ཁག་གཡོགས་བྱས་ནས།ICགཞུང་བསྡུས་བྱེད་པ་མ་ཟད། །༢༠༠༣ ལོའི་ཟླ་༡༠ བར་བཙོན་བཀག་བྱས་བྱུང་ཟེར། །

ཚོགས་ཞུགས་འཐུས་མི་ཡོངས་ཀྱིས་ཤུགས་ལྡན་བསྟེན་མཁན་ཚང་མས་མཐུན་ལམ་རྡོག་རྩ་གཅིག་སྒྲིལ་ཐོག་ཐུན་མོང་ནས་ད་ལྟའི་དཀའ་ངལ་ལ་གདོང་ལེན་གནང་དགོས་པའི་འབོད་སྐུལ་བྱས་འདུག  །འཐུས་མི་བསོད་ནམས་རྒྱལ་མཚན་གྱིས། །ལྷ་བསྟེན་མཁན་ལ་མཚོན་ན་གལ་ཆེ་གནད་ཆེ་ཞིག་ལ་སླེབས་ཡོད་པས་ཚང་མས་མཐུན་ལམ་རྡོག་རྩ་གཅིག་སྒྲིལ་ཡོང་བ་བྱ་དགོས་ཟེར། །དགེ་བཤེས་བསྟན་འཛིན་དཔལ་མཆོག་གིས། །ལྷ་བསྟེན་གསོལ་བཀག་པས་བོད་པ་ནང་ཁུལ་ཁ་བྲལ་དང་དགེ་ལུགས་ཁ་བྲལ་གཏོང་པ་རེད། །ང་ཚོ་ནང་ཁུལ་ལ་མཐུན་ལམ་དགོས། །བསྟན་པ་དང་མི་རིགས་མཐུན་སྒྲིལ་ལ་ཕན་པའི་ལས་ཀ་སྒྲུབ་དགོས་ཟེར། །བོད་གངས་ཅན་ལྗོངས་ནས་ཐོན་པའི་ཁམས་ཕྱག་ཕྲེང་ཚོགས་པའི་འཐུས་མི་ཞིག་གིས། རྒྱ་ནག་རྒྱལ་ཁབ་ནང་ལ་ཤུགས་ལྡན་ཚོགས་པ་ལྔ་བཅུ་ང་བཞི་ཡོད། །རྒྱ་ནག་གི་རྩ་ཁྲིམས་ནང་ཆོས་དད་རང་མོས་ཡིན།རྡ་ས་ནས་བཀྲུག་བཤིག་མང་པོ་བརྒྱགས་པ་རེད། །ཡིན་ན་ཡང་ཕྱག་ཕྲེང་ནང་ལ་ཤུགས་རྐྱེན་ཆེ་པོ་གང་ཡང་ཐེབས་མེད། །ང་ཚོས་རྡོ་རྗེ་སྤུན་གྲོགས་ཡོངས་རྫོགས་དང་འབྲེལ་གཏུག་དང་མཐུན་སྒྲིལ་བྱེད་ནས་མཉམ་དུ་ཏཱ་ལའི་དང་རྡ་སའི་སྒྲིག་འཛུགས་ལ་ངོ་རྒོལ་བྱ་རྒྱུ་ཡིན་ཟེར། །

འཛམ་གླིང་ཡུལ་གྲུ་ཁག་ནས་ཡོང་བའི་རྒྱལ་ཆེན་ཤུགས་ལྡན་མང་ཚོགས་ཀྱི་འཐུས་མི་རྣམ་པས་ཛ་དྲག་ངང་ཏཱ་ལའི་བླ་མས་ཤུགས་ལྡན་བཀག་མཚམས་འཇོག་དགོས་ལ། །ཤུགས་ལྡན་བསྟེན་གསོལ་བཀག་པའི་བཀའ་དགོངས་ཡར་བསྡུས་ནས་ཤུགས་ལྡན་ཚོགས་ཁག་ལ་དགོངས་དག་ཞུ་ནས་ཆོས་དད་རང་མོས་སླར་གསོ་བྱེད་དགོས་པའི་འབོད་སྐུལ་ཞུས་པ་རེད། །ཚོགས་འདུའི་ཐོག་ནང་ཁུལ་མཐུན་སྒྲིལ་ལ་ཤུགས་སྣོན་བརྒྱགས་ནས་འཛམ་གླིང་ས་ཕྱོགས་ཁག་གི་རྡོ་རྗེ་སྤུན་གྲོགས་གོང་པོ་གཅིག་ཏུ་དྲིལ་པ། །བོད་ཀྱི་རིག་གནས་དང་སྐད་ཡིག་སློབ་སྦྱོང་ཐད་ཤུགས་སྣོན་བརྒྱགས་ནས་མི་རབས་རྗེས་མས་ཆོས་བརྒྱུད་རྒྱུན་འཛིན་ཐུབ་པར་འགན་ལེན་དང་། །དྲྭ་རྒྱ་བརྒྱུད་ནས་བདེན་པ་ར་སྤྲོད་ཀྱི་ལས་འགུལ་དྲིལ་བསྒྲགས་རྒྱ་ཆེར་བཏང་ནས་རྒྱལ་སྤྱིའི་དོ་སྣང་ཇེ་ཆེར་འགྲོ་བ་བྱ་རྒྱུ།ཚོགས་འདུའི་གྲོས་ཆོད་ཁག་ལག་བསྟར་ཡོང་བར་ཤུགས་སྣོན་བརྒྱགས་ནས་ཏཱ་ལའི་་བླ་མ་ལ་ངོ་རྒོལ་མུ་མཐུད་བྱེད་པའི་སེམས་ཤུགས་གཏོན་དགོས་པ་བཅས་དོན་ཚན་ཁག་བཞི་ཡི་ཐད་གྲོས་འཆམ་བྱུང་འདུག །

དེ་མིན། །འཛམ་གླིང་རྒྱལ་ཡོངས་ཤུགས་ལྡན་འཐུས་མི་ཚོགས་ཆེན་སྐབས་གཉིས་པ་ཕྱི་ལོ་༢༠༡༨་ལོར་ཚོགས་འཆར་བྱ་འདུག་ལ། །དེ་དུས་འཐུས་མི་དེ་བས་མང་ཙམ་ཞུགས་ངེས་རེད། །

]]> http://www.dorjeshugden.com/bod/all-articles-bod/%e0%bd%96%e0%bd%bc%e0%bd%91%e0%bc%8b%e0%bd%96%e0%bd%a2%e0%be%92%e0%be%b1%e0%bd%b4%e0%bd%91%e0%bc%8b%e0%bd%93%e0%bd%84%e0%bc%8b%e0%bd%96%e0%bd%a6%e0%be%9f%e0%bd%93%e0%bc%8b%e0%bd%82%e0%be%b1%e0%bd%b2/feed/ 0